၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ကုန်သွယ်မှု သင်တန်းကျောင်း (ရန်ကုန်) တွင် ၂၀၂၆ ခုနှစ်၊ မတ်လ ၂၁ ရက်နေ့မှ စတင်၍ (၄)လကြာ ဖွင့်လှစ်သည့် အပြည်ပြည်ဆိုင်ရာကုန်သွယ်မှုအခြေခံသင်တန်း (စနေ၊တနင်္ဂနွေ)အမှတ်စဉ်-၁၃ သင်တန်းဖွင့်ပွဲ အခမ်း အနားကို ရန်ကုန်တိုင်းဒေသကြီး၊ ပို့ကုန်သွင်းကုန်ရုံး ပဉ္စမထပ်ညီလာခံခန်းမတွင် ၂၁-၃-၂၀၂၆ (စနေနေ့) နံနက် (၀၉:၀၀) နာရီအချိန်၌ ကျင်းပပြုလုပ်ခဲ့ပါသည်။
၂။ အဆိုပါ သင်တန်းဖွင့်ပွဲတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ ကုန်သွယ်ရေး ဦးစီးဌာန၊ ဒုတိယဝန်ကြီး ဦးမင်းမင်း တက်ရောက်၍ အဖွင့်အမှာ စကားပြောကြားခဲ့ပါသည်။ ဖွင့်ပွဲ အခမ်း အနားသို့ ဝန်ကြီးဌာနလက်အောက်ရှိ ဦးစီးဌာနများမှ အဆင့်မြင့်အရာရှိကြီးများ ၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) မှ တာဝန်ရှိသူများ၊ သင်တန်းနည်းပြ ဆရာများ၊ သင်တန်းသားဟောင်းများ တက်ရောက်ခဲ့ကြပါသည်။
၃။ အဆိုပါ အပြည်ပြည်ဆိုင်ရာကုန်သွယ်မှုအခြေခံသင်တန်းကို အပတ်စဉ် (စနေ၊ တနင်္ဂနွေ) များ တွင် ပို့ချသွားမည်ဖြစ်ပြီး သင်တန်းသား ကျား (၅၁)ဦး ၊ မ (၇၀)ဦး၊ ပေါင်း (၁၂၁) ဦး တက်ရောက်ခဲ့ကြ သည်ဖြစ်ပါသည်။ သင်တန်းကာလမှာ(၄)လခန့် ကြာမြင့်မည်ဖြစ်ပါသည်။
